آشنوا كايعني هاد الرمز؟

غادي يكون فايت ليك سولتي راسك شناهوا المعنى ديال داك
 الشعاار ديال الطب،اللي فيه جوج لفعات و عصا و اش جاب اللفاعي للهضرة ... انبداو من اللول :
الأصل ديال هذا الشعار هو واحد الرمز يوناني قديم كاتسما "عصا أسكليبيوس " هذا الشعار كان متعلق بعلم التنجيم داكشي ديال الأبراج و كان متعلق أيضا بشفاء المرضى ،هذا الشعار فيه غير أفعى و حدة و دايرة بواحد العصا،و هذا أسكليبيوس فالميثولوجيا اليونانية هو ابن الإله أبولو ،و كان الإختصاص ديالوا التطبيب و الشفاء من الأمراض. مزيان و لكن اش جاب الأفعى للهضرة ... الرمز ديال الأفعى جاي من أنها عادة كاتتخلص من الجلد ديالها القديم و كاتبدلوا بواحد أخور،يعني كاترمز إلى الولادة من جديد و الإنجاب ،كما أن الأفعى اللي كاينا فالشعار هي واحد النوع اللي سميتوا أفعى الجردان و اللي معروف السم ديالها بقدرتوا الشفائية (السم بالسم) ،أما العصا فكترمز للسلطة لي كانت عند إله التطبيب "أسكليبيوس"


عصا أسكليبيوس هي رمز يوناني قديم متعلق بعلم  التنجيم وبشفاء المرضى في الطب. يتألف من أفعى ملتفة حول عصا. في الميثولوجيا الاغريقية، فإنأسكليبيوس هو ابن الإله أبولو وكان اختصاصه  التطبيب والشفاء من الأمراض. كما أن العصا يرمز إلى مجموعة نجوم تسمى "أوفيكوس" (Ophiuchus) وهي الرمز الثالث عشر في الأبراج التي تعتمد على زمن النجوم ((بالإنجليزية)Sidereal astrology) وبخاصة الأبراج الهندية.
ترمز الأفعى، التي عادة تتخلص من جلدها القديم بأخر جديد موسميا، ترمز إلى الولادة من جديد والإنجاب. بينما ترمز العصا إلى السلطة والسطوى وهي تلائم اله الطب. فإذاً يرمز عصا أسكليبيوس إلى فن التطبيب والشفاء.
هادشي مزيان و لكن المشكل أنه كاينا عصا أخرى و هي اللي قريبة للشعار اللي كاين دابا و فيها نيت جوج لفاعي ماشي غير وحدة و كاتسمى" عصا هرمس"
و هذا "هرمس" و كان هو اليد اليمنى لزيوس اللي معروف و كايقولوا بلي كان كايتحكم في الرياح و المطر و هو اللي كان كايصنع الصاعقة اللي معروف بيها زيوس .
المهم أنه هذا هو المصدر اللي عندنا حتى للآن لأن القضية باقي فيها غموض و ماواضحاش بزاف لكن هاد جوج ديال المصادر هوما اللي منطقيين و معتمدين .

الحضارة الاغريقية أثرت بزاف فعلم الطب و الصيدلة بحيث كانوجدوا بزاف ديال الحوايج مسمين على السمية ديال الالهة ديالهم ،كمثال اله الاحلام "مورفيوس " اللي منوا جات سمية المخدر المورفين .