نصائح للناس اللي غادي يقراو فالاسبيتس:

السلام عليكم , اعزاءي الكرام .. اعزاءاتي الكرام قبل مانبداو هاد الهنطقة كاملة كنبغي نرحب من القلب بكاع الطلبة اللي اختارو ليسبيتس و كنبغي نقولكوم : ايسبيتس ...عالم جديد يناديكم ... يالله أطاشي ڤو سانتيغ ! و بالمناسبة هادو نصائح للناس لي عاد لتاحقو بالركب الايسبيتسي باش دوزو واحد 3 سنين ف ispits مفيكة و خالية من الجراثيم ، و هادشي كامل لقلناه راغي باش تستهلك بلا ماتهلك : أول حاجة نساو عليكوم ديك يامات ليسي و داك طيش د لباك و داك لفشوش و جمعو راسكوم حيت صافي وليتو محسوبين على التعليم العالي و دخلتو فواحد المرحلة حرجة و لي خاصكوم تبداو تشوفو بعيد و تحلو عينيكوم و تكبرو دماغكوم ..حيت اتجي واحد مرحلة من بعد اتخرج تانتا تناضل على حقوقك مع خوتك امام الوزارة و البرلمان و لسا الايام لجاية هتوريك يا ضنايا هخهه و الله تاتولي حافض الشعارات كثر من ليكور دلاناطومي .. تولي غادي مابيك ما عليك و تاتغني واااالويزاااراتوووو ..واك واك الوزارتوووو .. ربي معاك و صافي بالنسبة للبلوزة راها اجبارية و حتا نتا راك اجباري ( سليت أ SAT ما عندنا مانديرو بيه . دابا تقراو ريكلومون أنطيغيوغ و غاتعمقو فيه مزيان و غاتفهمو علاش ) ( هذا غا قوس حليناه و هاحنا سديناه ) بس :sat كيعني حتا سيروم اونتي طيطانيك دابا تقراوه ههه بالنسية ليكوغ خاص تكون أجور سيطاديغ لي طاح فلمقلا يتقلا و لكور لي جا باسم الله على طريقة امرابط.. دكشي ديال راموووس و الدقيقة تسعين خليه فاش تكون مربح فالقهوة و كتفرج فشيماتش دالريال .. حيت و الله و ما قغلتي لا فورتي ... بالنسبة ليكوغ مكين لاش تشد لكور دلبروف و تنزل عليك بحال الصاعقة بالنقطة و لفاصلة و نهار ليكزام تعاود تفومي ليه دكشي تماااا ... للأسف هادشي ليكاين و لكن نتا خدم دماغك شوية و كون معلم ، لحاجة لي غاتحفظ را غااا تحفظ و لي غاتفهم تفهم ... ماتحفظوش صم يا بني ! بالنسبة لحصص ديال طيبي ، متخيلش راغايجيبولك شي مانكان واعرة فين تعلم و طلق يدك ، راتاتكون واحد ختنا تما يديها فجيه و رجليها فجيه .. كنجمعوها باش كنخدمو .. وكون أكديد ڤوا غاتعلمها فعشيرك .. بونصمون تاهو .. لاليتخي غاتوليو تصرعهااا ..ويلي ويلي .. نهار دلبراتيك دلعضومة لي شد شي عظم يشوفو و يدوز لعشيرو .. و بلا دوك كثرة تصاور مع ديك لمومياء و ديك لميوعة ههههه و هذا هو راني غي ختاصرت .. ايلا كنتي عارف شي معلومة بارطاجيها مع صحابك ( زكاة العلم اخراجه ) بلا ماتبقا هاز خنافرك لسما و حابسها شي نهار طرطق نتا و ياهااا.. لحافيظ الله ويلا قدر الله و سيفط ليك لبروف شي كور بارطاجيه معا خوتك و بلا مادير فيها باغي تماجوري بوحدك حيت فٱخر المطاف الحماري لكوور كيوصل كيوصل كايبقا غا لوجيست خخخخ واخي اختي الايسبيتسيون خاصكوم تميتخيزيو شوية لخدمة فلباور بوانت و الوورد و داك الهيت كامل ... حيت مكين غاليزيكسبوزي ليزيكبوزي ليزكسبوزي تاطيبو .. غاتوليو ديزيكسبيغ فهاد الضومين هههه و دك الحشمة احيدهوما منكوم و تعلمو لابخيز دو باغول اون بيبليك ... ايتسيطيرا و داك تبحليس على الاساتذة فلكور و ليزونكادغو فسطاج ماعندك لاش .. ماشي ضاغووووغي زعماااا !! عزها تعزك و كل واحد يتحط فمقامو ني + ني -. قرا و خدم و سيستيماتيكمو راك غاتفاليدي و تالقدر الله و جبتي الراطراباج عافانا الله و اياكم راه سيبا لافان ديموند غاتعاود تقرا و تخدم و لا مافاليديتيش سمحلي ايليا كيلك شوز كيكلوش ايلفو لا سينيالي ... سو سير شوف ليتيولوجي منين خخخ و اخيرا و ليس اخيراااا... عيشو هاد المرحلة عيشوها بكل بكل ماتحمل الكلمة من معنى حيت راواخا غادوز عليكوم دكاكة هاد 3 سنين و سنوات أخرى موراها ... و لكن راغاتبقا هاد امدة بالذات كرافي فلاميموار ديالكوم سوو لواحد يتأنطيكرا مع لكليك ديالو و يفوج و يضحك و ينشط أخرتها موت ههه رالقراية بزاف كتحمق ... تبقا ساد على راسك و طالق داك ديكس د آش داني و علاش مشيت و تابع ليا غالباطولوطي و فاغماكولوجي و سيستيم و GAR و سيميو.. و اتجي واحد لمرحلة اتلقى راسك غادي فزنقة و تاتعرض لاكوندويت اتونيغ دوفو ان باسيون ازمتيك .. ايوا انا را منبغيكش توصل لهادشي ههههه سو لواحد يدير علاش يولي .. شي أكتفيطي اوباغاليل مع لقراية لي يتسولاجا بيها واخا مكين لوقت مي الانسان يحاول ما امكن ... و هادا هو دوزو بخير .. الله يوفق الجميع و مسيرة دراسية و مهنيية موفقة بادن الله .. نحن المستقبل و التمريض في ايادي امينة . الله معاكوم . بكلافيي : معروفي زينب